Shkrova një vjershë të vogël
E botova n’gazetë
Ç’të shoh t’ nesërmen
Tezja Violetë
Pastron xhamat
Me po të njëjtën fletë
Dritaret mbajnë erë poezi
Dielli tha me bukur u rri
Shkrova një vjershe të vogël
E botova në gazetë
Ç’më panë sytë e mi
Në shesh një grusht lajthi
Ma mbështollën
Me timen poezi
Hera e parë që shijova lajthi
Që rima bukur u rri

QERPIKU QË PLOTËSON DËSHIRA
Kur m`u këput një qerpik
Shoqja ime e kapi vrik
Tha qerpiku yt i gjatë
Ndodh na bën ndonjë dhuratë.
E palosi në gisht
E më buzëqeshi miqësisht
S’kisha dëgjuar më parë
Që qerpikët kanë thesar
S’e dija që plotësojnë dëshira
Këtë ma tha Ermira
Qerpiku tha është sikur yll
Kur këputet e bie n’pyll
Unë s’e besova hiç Ermirën
Që me buzë puthte dëshirën.
Më kujtohet sikur dje
Tha e qëllon dot se ku fle?
Unë i bëra me gisht
Por e qëllova gabimisht
E i fala qerpikun tim
I thashë mbaje për kujtim
Vitin tjetër më shkroi letër
Revista “Uji” për fëmijë
44
Qerpikë tjerë, të kanë mbetur?
Se qerpiku yt që ra
Sot më gëzoi me një vëlla