Sheremet PROKSHI lindi në fshatin Fortesë (Vërbofc) të Drenasit. Shkollën fillore e kreu në vendlindje, ndërsa shkollën normale dhe studimet Gjuhë e Letërsi Shqipe në Universitetin e Prishtinës.

Që nga viti 1974 punoi si mësimdhënës.

Ka të botuara këto vepra:

1. Iliria, drenushë me halle,

2. Fluturat lozonjare,

3. Diell për Çamërinë,

4. Shkronjat nëpër vargje,

5. Ku merr frymë shëndeti,

6. Fortesa e fundprillit ’99,

7. Gjyshja nga Presheva,

8. Mijëra vargje për ty nënë,

9. Hëna me dy faqe,

10. Macja laramane,

11. Bukuroshja e lirisë -I-,

12. Në sy nëne e kam qiellin,

13. Ketri i tha fluturës,

14. Fabula për fëmijë “Macja e vetmuar”.

15. Emra përjetësi dhe

16. Shqiponja e Qyqavicës

Është anëtar i Lidhjes së Shkrimtarëve të Kosovës, anëtar i Karvanit të Shkrimtarëve për Fëmijë “Agim Deva” si edhe anëtar i stafit redaktues të revistave për fëmijë “Yll mëngjesi” e “Mollëkuqja”.

Është përfshirë në Enciklopedinë ”Autorë të letërsisë shqipe për fëmijë e të rinj 1886-2017”, në më shumë se 30 antologji, si dhe në disa vepra studimi me analizë dhe kritikë letrare.

Poema „Shqiponja e Qyqavicës“ është libri i 16 i autorit. Shkruan kryesisht për fëmijë dhe për të rritur. Vendbanimi – Drenas, Kosovë.