Namazi e agjënimi bahen kaza,

po koha e jetës tem që m’kalon pa Ty, kaza s’ka.

***

“Për mos me pre gishtin e tij (myftiu) ikë nga drejtësia e Hakkut

Ndërsa unë Nesimi si ashik që jam as nuk po lotoj ani pse po më rrjepin lëkurën”

***

N’mu strehohen dy xhihana,

unë n’këtë xhihan s’muj strehona.

***

Zemrën e kam defter, guhën kalem e shkruej

Që kur kam ni urdhnin e hakikatit

E humba Lejlën në gurbet bredhë

Që kur kam fjetë n’udhën e ashkut

***

Kaderi e ngjyrosë cilin njeri do me cilën ngjyrë që do.

***

A ka shembull ma t’mirë se vdekja e varri?

***

Ashiku që nuk e ka vuejt mundimin e dashtunisë,

nuk e di kijmetin e bashkimit.

***

Nesimin e kanë dvetë

Me jarin, a je mirë
Ha jam mirë, ha nuk jam

Ai jar asht i jem, kujna po ia ninë

***

Besimtarët kanë thanë haram

Për sharab t’këtij ashku

Unë e mushi, unë e pi

Gjynahu i jem asht kujna po ia ninë

***

Kajherë shkoj n’medrese

Mësoj për hak

Kajherë shkoj n’mejhane

E pi për ashk

***

Lules t’drandofilles që mrena therrës binë

S’i jam mirënjohës

Arabisht, persisht nuk di

Gjuhës s’i jam mirënjohës

E njeku veç Siratul Mystekimin

Udhës që shejtani enet

S’i jam mirënjohës

Kam ra në nji dert t’çuditshëm

Tanë janë tuj shku mbas përfitimit t’vet

Sot e gjaj e sot e ha
Hakku asht kerim për nesër

Asnji troh lakmie s’e kam

Për mallin e kësaj dynjaje

Rriskun Hydaji ma jep

Robit s’i jam mirënjohës

O Nesim, xhan Nesim

Musafir (n’dynja) që shumë nuk lypë

Tuj e pas shefatqar Muhammedin

E tanë rriskun Ai Settar tuj ta dhanë

Sundimtarëve, prijësve t’dyjnasë

S’u jam mirënjohës

Nga turqishtja: Fatijona Bajraj