EJA…

më shpëto nga rrëmuja e kohës

nga gjembat e lakmive të botës

nga zjarri që iu versul kullotës

nga majat e ëndrrave të mesnatës.

Eja…

më shpëto nga ernat e flakta të natës

nga flaka e shpërndarë e mendjes

nga humnerat e thella të zemrës

nga dëshirat e pashtershme të vetes.

Eja…

më shpëto nga prehni me hi i skëterrës

nga lindjet e pashpresa të shpresës

nga vdekjet e përditshme të pranverës

nga festat egoiste të vjeshtës.

Eja…

më merr, kam mall për dorën e besës

për gjakun e ngrohtë të ngarkesës

për gjuhën e butë të kujtesës

për fjalën e qartë të zbulesës.

Eja…

Miku im, të digjem në rrethin e fluturës

të shkrihem në dertin e ndarjes

të humb frymën në pragun e paqës

të bashkohem me rrezet e dritës.

Eja…

Faniu të pret në shkallët e portës

Faniu të pret në flakën e qëndresës

Faniu të pret në forcën e besëlidhjes

Faniu të pret në hallkën e ekzistencës.