Mevlana Xhelaluddin Rumi

Përktheu nga turqishtja: Fatijona Bajraj

“Nëse dritarja ku ti e sheh botën asht e papastër, lulat e mia kanë me t’u dokë lloç.”

“Mllefi asht si era, nalet mbas nji kohe, po shumë degë tanima veç janë thy. “

“Vllaznillaku i qenve zgat deri t’ju gjuhet ashti përpara.“

“Ngrite fjalën, jo zanin! Se nuk asht murmurima ajo që i rrit lulet, po asht shiu. “

“Nefsi asht therrë me tri qyshe, kudo që e prekë, thumon.“

“Në t’kanit bujar e në t’ndihmun, banu si uji i rrjedhshum
Në dhembshuni e në mëshirë, banu si dilli
Në t’mbulumit e t’metavet’tjerëve, banu si nata
Në zemnim e nervozim, banu si i dekun
Në ultësi e në modesti, banu si toka
Në tolerancë, banu si deti
Ose, duku qysh je, ose banu qysh dokesh. “

“Sa njerëz i kam pa, mi (trup) tesha s’kanë pasë. Sa teshat i kam pa, mrena tyne njeri s’ka pasë.“

“Kena nevojë për njerëz që janë me i marrë shembull, jo për ata që munohen këshilla me dhanë;
Ka shumë që dhajnë fetva, po gjinen pak ata që jetojnë me devotshmëri.”

“Çdo gja që e ban me zemër, njejtë ty ka me t’u kthy.“

“Sytë janë dy, veshët dy e goja nja.
Me pa shumë, me ngu shumë e me fol pak, duhet.“

“Mos meno që veç ti ki dert; ka që dertin tan e konsiderojnë nimet…”

“Sabri asht njipej’ i tillë që ti menon që po kputet, ai veç forcohet. Ti menon që po maron, ai veç shtohet…”

“Copa e atij që bjen prej minares gjinet. Gjinet, ama…
Copa e atij që bjen prej zemrës nuk gjinet ma.”

“Ma mirë ha bukë t’thatë me alimin se mjaltë me xhahilin.”

“Çka do që lypi, unë e lypi prej Allahut. Nëse ma jep, asht madhështia e Tij. Nëse s’ma jep, asht sprova jem. Nëse kërkon diçka prej Allahut, dera çelet, mjafton që me ditë me cakatë. Nëse thu, kur. Nuk e di. Ama mos u mërzit që nuk çelet, mjafton që ti dije qysh me nejt n’atë derë.”