Përktheu nga turqishtja: Fatijona Bajraj

E dashur, larg teje, në vend të huaj
Mbeta duke qarë
Rrugëve që fund s’kanë
Vdiqa duke qarë

Nuk e di, a është sehire a magji
Nuk zgjidhet nyja e dashurisë
Atë që te ti e kam dashur
E gjeta duke qarë

Bukur të pashë në grumbull
Beli i hollë sytë e lodhur
Je më e bukur se të gjitha
E dita duke qarë

Eja, gjemë mua, mos u huto
Futu në gjoksin tim porsi zog
Shiko, unë rob në derën tënde
U bëra duke qarë

E dashur, përse sytë i ke të molisur?
A edhe ti mërzitur je?
Ditën që u ndava nga ti
Qesha duke qarë