Përktheu nga turqishtja: Fatijona Bajraj

S’munda ta ngushëlloj zemrën time
S’munda të të heq ty (nga ajo)
S’munda fatin tim ta mbaj
E dashur, ty s’munda të të harroj

Arrita të marr mirësinë e fatit
Zemrën time ty ta kam dhënë
Ndonëse shumë po të doja
E dashur, ty s’munda të të harroj

Zemra ime fare e çmendur është
I dashuri yt rob që nuk lirohet
Çfarë të bëj, s’e di
E dashur, ty s’munda të të harroj

Po të ngrihem për t’u liruar
Ditët e vjetra në kujtim më vijnë
Në këtë botë përplot revoltë
E dashur, ty s’munda të të harroj

Vetën time pas brengave e kam mashtruar
U vendose dhe më mbete në kokë
Desha të të harroj, por
E dashur, ty s’munda të të harroj