Përktheu nga turqishtja: Fatijona Bajraj

Zemra ime e çmendur ishte lidhur për flokët e tua të
verdha
Nuk po zgjidhet, Mihriban
Mos e pandeh vdekjen më të lehtë sesa ndarjen
Pa e përjetuar nuk parandjehet Mihriban

Kur përmendet e dashura, lapsi nga dora më bie
Sytë nuk shohin e mendja habitet
Flaka që është duke u dridhur në llambë mërdhihet
Dashuria nuk u shkruaka në letër, Mihriban

Së pari naze, e më pas fjalë e hile
I dashuruari të dashuren e bën që të përflitet
Edhe po të ndërrojnë shekujt e vitet
Tradita e vjetër nuk u prishka, Mihriban

Nëpër mjek s’ka ilaç për plagën time
Kur përmendet dashuria, përtej mos kërko
Çdo gjë ka një përfundim, ama
Dashurisë nuk po i vihet kufiri, Mihriban

Kot nuk është lidhur bylbyli me trëndafilin
Borën po ta vësh në thëngjillin e dashurisë bëhet hi
U habita me qëndrueshmërinë e fatit tim të zi
Edhe pse godas gurin, nuk shtypet, Mihriban

Në përshkrim, kuptimi i dashurisë s’është duke u
strehuar
Këtë vuajtje e mërzi e di vetëm kush e ka provuar
Është e tëra një nyje e pazgjidhshme
Nuk munda ta zgjidh, nuk zgjidhet dot, Mihriban