N’kërkime t’munimta, hafëz

Që funi me iu ardhë s’dijka

E treta shpirtin tem si gjethen

Që behari prapë s’e bijka

Lypa ujë me shu etjen

Etja n’buzë t’mia bani ven

Lypa trosha n’sofra t’vjetrueme

Troshat e mallit s’u qitkan n’én

Lypa me pa nurin e Shemsit

Qysh rrezon n’fytyrën e tij

Kur vetullat i bijnë pikëlluem

E tanë dynjaja n’hije m’rri

Udhës t’dynjasë gjanë çka lyp

Udhës t’ashkut u gjinka sall malli

Udhët e dynjasë paskan boshllëqe

Unë jam ngarku shku hamalli

Me t’lypun a gjinet Haku

Me t’lypun a shuhet malli

Me t’lypun a ngjallet zemra

Me t’lypun a shkymet zjarmi

N’kërkime t’errëta t’kujtimeve tua

Strukun n’rrënojat e dashnisë

T’ka mbetë hala buzëqeshja

Që n’kasnak t’shpirtit e kam qëndis