Atë ditë lëshomi flokët lirshëm
Sytë mbyllmi kadal’
E buzët leji qysh i lashë tuj kesh
Si n’ditën kur t’dola përballë

Dur’ e kamë drejtoji
Sa gjaku s’m’u ka ngri
Me puthjen n’ballë të nxehtë
Lidhe çarçafin gjithë bardhësi

Mbaje dritën dhez’
Deri sa m’nxjerrin nga dhoma
Thuje nji fjalë
Sa jam aty akoma

Mos e le dheun të ma hedhësh n’terr
N’dritën që ma fale n’ditë dheun ma hedh’
Kur të rrëzohen shpresat dhe t’mos jesh i mpirë
Merre t’bukurën andërr e ruje mirë e mirë

Se n’këto ditë t’numrume
Shumë pak që gëzuam
N’botën e përjetësisë
Të pres për të jetuar