Përktheu nga turqishtja: Fatijona Bajraj

A s’të shkatërron dashuria?
Forcën, a nuk ta shpenzon?
A s’të shuhet zjarri yt?
A s’është mjaft, oj zemër, a s’është?

Dashuria nuk ka shkallë
Mendjen ajo ta merr
Para botës u turpërove
A s’është mjaft, oj zemër, a s’është?

Në rrugën e së dashurës
Mbete duke shikuar dhe pagjumë
Vuajte për shkak të dashurisë
A s’është mjaft, oj zemër, a s’është?

Cilën brengë t’a numëroj?
Dashurisë si t’i përballoj
U dogja mjaft, ende të digjem?
A s’është mjaft, oj zemër, a s’është?

Zëri në gjoks më bllokohet
Nuk kam dëshirë as të jetoj
Unë një i pa derman
A s’është mjaft, oj zemër, a s’është?