Përktheu nga turqishtja: Fatijona Bajraj

Mevlanen e Junusin mua m’i jepni
Mexhnunin e Lejlanë juve jua kam lënë
Ka dyzet vite që i etur jam, një gotë ujë ma jepni
Lumin, detin juve jua kam lënë

Nuk jam kërkues i famës e namit
Pozitën e gradën nuk ia bëj shpirtit barrë
Dostllëkun, dashurinë, dhembshurinë posedoj
Ngatërresat, përleshjet juve jua kam lënë

Kohë nuk kam të mbjell, korr e plugoj
Nga toka e pabërë haram të prodhoj
Më mjafton vetëm zemra në të për të hyrë
Konakun, pallatin juve jua kam lënë

Në hak gjeta huzurin dhe jo në bollëk
Ajo që desha ishte djersa e ballit e nuri i syve
Egoizmin, qibrën, e krenarinë e neveritshme
Interesin, bankën juve jua kam lënë

Mos le të mundoheni asnjëri për kot
Do iu ngopen sytë me dhé e gurë
Mua me besimin tim më lini të vetëm
Dynjanë tërësisht juve jua kam lënë