Hakikati shfaqet si një lumë

si një peshk bredhës në ujë

si një dru ulliri, si një hurmë e hollë

që rritet në liri, në brendësi bën bujë.

Hakikati duket mbi një lule

si një bletë që pjalmin e tubon

trëndafil, tulipan e lulëkuqe

që bilbilin këndonjës e dashuron.

Hakikati pasqyrohet në libër me fletë

si ylli polar që shkretëtirën e ndriçon

Musai, Davudi, Isai e Muhammed

sinqeritet, përkushtim, pastërti kërkon.

Hakikati ndjehet në xhemal/bukuri

në pasionin e poetit të ndjekur nga frymëzimi

Fani e shoh në male, fusha, në qemal/plotni

Piktori në pëlhurë e paraqet me ëmbëlsi.