Në këtë botë të trazuar,

Dhimbja është lajm i parë,

E shpresa, reklama në fund.

Njerëzit kërkojnë paqe,

Por nuk dinë të heshtin.

Të dashurit janë larg,

Të afërmit – të ftohtë.

Ndërsa kemi gjithçka në xhep:

Botën, librat, hënën…

Por s’kemi një përqafim

që zgjat më shumë se pesë sekonda.

E vërteta është ndarë në versione,

E dashuria në statuse.

Liria u kthye në pazar,

Ndershmëria në budallallëk.

Fëmijët mësojnë nga ekrani,

Sikur të mos ishin fëmijë.

Në këtë botë të trazuar,

Zemra nuk rrah, por vetëm pompon.