7 nëntor

Parmbrëmë, pasi ai m’i kish shqiptuar ato fjalë, kur hyra në dhomën ku ishin mbledhur gjithë të afërmit e mi, bashkë me zotërinjtë Valentini, isha aq e trazuar shpirtërisht, saqë të tërë e vërejtën këtë gjë. Njerka ime më qortoi rreptësisht: më tha se jam vajzë e paedukuar, tekanjoze, që dorëzohem nga shpërthimeve të haresë dhe teprimeve të mallëngjimit, të gjitha dukuri fare të papërligjura. Kurse babai u rrek të më mbronte, duke ngulmuar që nuk ndihesha mirë.Të tjerët e patën mbyllur gojën të gjithë. Ai theror vijoi përgjatë një gjysmë ore. Më tutje munda të ndryhesha në dhomëzën time, e falënderova Hyun, duke iu përgjëruar ethshëm që të më grishte pranë Tij. Kalova një natë tejet të keqe, pa mbyllur sy asnjëherë. Shqyrtova gjendjen e zemrës sime, e druaj.Mariana ime e dashur, po të mos druaja nga mëkatimi dhe nga mërzia që mund t’i shkaktoja babait tim, Xhuditës, vëllaçkos, ty, e gjithkujt që ma do të mirën… do të kisha dashur të vdisja nga kolera…
Lamtumirë.