Nji kabir i thatë hafëz

Asht i vetmi që m’pret

Prej ditës që kaderi

M’gjuejti n’kit kurbet

Larg prej nurit t’tij hafëz

Kaderi syrgjynosë m’ka

N’krejt memleqetet e dynjasë

Gjurmë për ta kam lâ

Vedin tem hafëz

P’e nij si sita pa rrjetë

Boshllëku që m’la

Shpirtin e njomë ma tretë

Bilbilave t’zemrës hafëz

Ua ngarkova kit dert t’sevdasë

Le ta gjuejnë bjeshkëve t’nalta

T’lirë le t’fluturojnë havasë

Çdo ndjenjë që rrita n’shpirt hafëz

Emnu e kam me emen t’bilbilit

Dhe knue daim kam me ferjad

Për xhemal t’drandofilit

Nji kabir i thatë hafëz

Vahiden pret me mall

Njejtë qysh ajo priti n’dynja

Me vusllat me u çmall