Organizata për kulturë dhe edukim “Frymëzimi” vazhdoi aktivitetet e saj në kuadër të projektit “Transformimi i shoqërisë përmes ndërgjegjësimit të të rinjve për të drejtat e njeriut”, projekt i cili është financuar nga Zyra për Barazi Gjinore në kuadër të Drejtorisë së Administratës të Komunës së Skenderajt.

Në kuadër të Klubit të Librit u diskutua për romanin “Ferma e kafshëve” të George Orwell. Gjatë diskutimeve, pjesëmarrësit diskutuan aspektin letrar dhe historik të veprës, ku u spikatë diskutimi në lidhje me të drejtat dhe liritë e njeriut në sistemet totalitare, të ndërtuara në ide utopike për kah teoria dhe çnjerëzore për kah praktika.

Ndër të tjera, pjesëmarrësit diskutuan për “Shtatë Urdhërat” e librit, kryengritjen, udhëheqësinë dhe sa po arrijnë gjeneratat e reja të mësojnë për historinë e tyre, apo po rrezikojmë ta harrojmë të kaluarën.