Indet tona rrokullisur prej malit
në hone të thella
ku mendimet në kredhjen e tyre koten
si një kothere buke ngelur në tavolinë
dhe ku etika e Florës dhe e Faunës
i përvidhet kinse errësirës që na ka pushtuar

Qerthull majave të maleve
sorollatje sorrash në fluturim
me krakëllima e oshëtima
Një puhizë ajër gëlon me shpoti
në mpiksjen e plagëve të shpirtit

Pikëlimi i shiut në përqasjen lojcake
kaplon gjenezën tonë
ku së fundmi në trajtat e një funerali
ndihet fajtor për dashurinë e mbytur