Dua t’shpalos ndjenjën e gëzimit
Në ato momente kur më të vërtetë e ndiej
Seç verbohem nga drita e skepticizmit
Vezullim… e unë di, mos të shoh përtej

Një mendim në trajtë miti
Ka kohë që bën folenë në kokën time
Për shfaqjen e lumturisë
S’po kam kockë trimi

E të shoh përtej kësaj vezullime
Përmbysja e dëfrimit
Më rri karshi buzëqeshjes sime
Ankth, sinonim pritje e së ardhmes
Shpend që përton shtegtime.