Përktheu nga turqishtja: Fatijona Bajraj

Tërë këto vite për kot, i kalova
Po të vij Ty
Mjaft më duke u rrokullisur, mbarova
Po të vij Ty

Ndalova dhe mendova pak më parë
Pashë që kjo rrugë është e sigurt
U betova mijëra herë për të mos ju ndarë
Po të vij Ty

Sytë e përlotur e zemrën hutuar
Thashë të përgjërohem kur të arrij
Nxora egon nga vetja dhe e gjuajta
Po të vij Ty

Tokmaku i dashurisë kudhrën preku
Nuk ndaloj më edhe po që se bota ndal
Çdo gjë të mbetur nga e djeshmja e kam shitur
Po të vij Ty

E lash urrejtjen dhe mllefin
U bëra një farë e mëshirës
E shijova kënaqësinë e të dashuruarit Ty
Po të vij Ty