N’kit mejhane ashku
Mej dertet m’bahen
Kadeh dehje heshtja
Meze lot që n’faqe m’thahen

Vargjeve t’derdhuna n’fletë
Ngjyra iu asht zbeh
Erë shkrum malli lëshojnë
N’mungesë t’ftofta dhé

Frymën e përmallimit s’mun e maj
Neji jem m’vajton dertli
N’ven t’ofshamës qe prej shpirti del
Nefesin e mallit ia dha atij

M’deh ashku sikur n’mejhane me ra
E s’len gjuhën me ra n’gaflet
Me esma ruhi huzur gjanë
Edhe atëherë kur goja s’flet