Baba, or baba

Hija s’po më dëgjon

A di se sa shumë po bërtas

Në qiell zëri nuk po shkon

Babi, vajzës tënde përgjigjju,

A të ka mbetë hatri e zërin tënd s’po e dëgjoj…

Unë tash jam rritur e zëri më ka ndryshuar

Nuk është ai zë që ishte dje

Babë, babë, or baba

Sa mirë tingëllon kur unë të thërras e shpirti gjallëron

Gjithmonë më kanë thënë që në qiell shpirti yt ekziston

Prej që ike ti, unë sytë kah qielli i kam

E lutjet më të mira atje unë i dërgoj

Të thirra pakëz, zërin ta dëgjoj e ta heq mallin

Por prapë, shpirti im me mall po qëndron prej asaj dite e deri më sot