Në ato perëndimet e mia ti vjen pa u ndjerë
Më avitesh e m’dëfton shumëçka kjo botë mbanë

Më prek mbi supe
e pa zë më thua “sabër” e dashtun
Në gjysëm perëndime
ti veç shikime më fal

Më prek ashtu në paprekje dhe më ndjenë
pa kompleksitetin e paqartësisë
Në perëndimet tona
Të miat dhe të tuat shoqe

Ti di si më gjendesh
E të jesh e gjendshme
do të thotë me të dashtë pa kusht
Me të dashtë pa thënë e dhënë shumë sqarime